शहागड प्रतिनिधी: अबंड तालुक्यातील घु.हादगाव येथील रहिवासी अण्णासाहेब नामदेव गव्हाणे वय 38 वर्ष या शेतकरी तरुणांचा ट्रॅक्टर खाली दबून मृत्यू झालेला असून, हि घटना मंगळवारी दुपारी 1 वाजेच्या सुमारास घडली या घटने मध्ये चालकाचा ट्रॅक्टर पाण्याच्या चारीमध्ये घसरल्याने खाली दबून मृत्यू झालेला असून, या मध्ये चालकाचा सहकारी जखमी झालेला आहे. या शेतकरी तरुण घु.हादगाव शिवारातील शेतामध्ये रोटा मारून घराकडे जात होता. चारीचा रस्ता कमी व चिखल्यामुळे ट्रॅक्टरचारीत घसरला. जेसीबीचा साह्याने ट्रॅक्टर चारीचा बाजूला घेऊन मृतदेह बाहेर काढण्यात आला, मयताला प्राथमिक आरोग्य केंद्र गोंदी येथे घेऊन जात शवछेदन करण्यात आलेला असून, घटना घडल्यानंतर नातेवाईकांनी गोंदी पोलीस ठाण्याचे जमादार गोपाल दिलवाले, पो.का. शाकेर सिद्दिकी यांना संपर्क साधलेला असताना त्यांनी घटनास्थळ पंचनामा करत, नातेवाईकांनी जखमीला खाजगी दवाखान्यात पाठवलेले असून गोंदी पोलीस ठाण्यात अद्याप हि कोणताही गुन्हा दाखल झालेला नव्हता.
