दिव्यांग’ हाच, माझा पांडुरंग – माजी राज्यमंत्री बच्चू कडू

सांगोला( पोलीस न्यूज नेटवर्क):-

मंगळवेढा तहसील कार्यालय जवळ आ. समाधान अवताडे यांच्या विशेष प्रयत्नातून दिव्यांग भवन बांधण्यात आले असून त्याच्या उद्घाटन प्रसंगी माजी राज्यमंत्री बच्चू कडू आले होते. तसेच यावेळी दिव्यांग भव्य मेळावा पार पडला.
सर्वप्रथम दीप प्रज्वलन करून व तिरंगा झेंड्याचे पूजन करून दिव्यांग मेळाव्यास सुरुवात करण्यात आली.
यावेळी व्यासपीठावर प्रहार जनशक्ती पक्षाचे बल्लू भाऊ जवंजाळ ,अमोल जगदाळे, अजित कुलकर्णी , युवराज घुले, युवराज शिंदे, सतीश दत्तू , देवदत्त पवार , प्रहार दिव्यांग क्रांतीचे धर्मेंद्र सातव संजीवनीताई बारंगुळे, सांगोला तालुका अध्यक्ष नवीद पठाण , संजय जगताप , दत्ता चौगुले, सिद्धराया माळी, श्रीपाद पाटील ,राकेश पाटील , समाधान हेंबाडे, शकील खाटीक ,युवराज टेकाळे , आनंद गुंगे, रोहिदास कांबळे, पिंटु कोळेकर, सचिन सरवदे रुक्मिणी कोकरे, सविता सुरवसे, वंदना माने,बापू घोडके उपस्थित होते.
सदर मेळाव्यास मार्गदर्शन करताना, प्रहारचे सर्वेसर्वा माजी राज्यमंत्री बच्चूभाऊ कडू म्हणाले की, ‘दिव्यांग बांधव हाच, माझा पांडुरंग’ आहे, दिव्यांग बांधवांचे आशीर्वाद माझ्या पाठीशी असल्याने, विधानभवनात दिव्यांग हिताचे अनेक शासन निर्णय घेण्यास सरकारला भाग पाडले.
प्रत्येक जण जातीसाठी बोलतोय, कोणी हिंदू साठी तर कोणी मुस्लिमांसाठी बोलतोय, परंतु दिव्यांगासाठी कोणीही भांडत नाही, शेतकऱ्यांसाठी कोणी भांडत नाही, त्यामुळे दिव्यांग हाच माझा पांडुरंग आहे.
दिव्यांग बांधवांना पेन्शन चारशे रुपये वरून, अडीच हजार रुपये सुरू झाले, तरीही मी थांबणार नाही. त्यांना प्रत्येक ठिकाणी न्याय मिळवून देऊ, तेव्हाच आपण मोठी दिवाळी साजरी करू, असे बच्चू कडू म्हणाले.
कार्यक्रमाचे प्रास्ताविक समाधान हेंबाडे यांनी केले तर आभार सिदराया माळी यांनी मानले.

कार्यकर्त्यामुळे नेता अडचणीत….

आज आपण पाहतो की, नेता चांगला असतो. पण काही ठराविक कार्यकर्त्यांमुळे नेता अडचणीत येतो. आपली सेवा दिव्यांग बांधवांच्या भल्यासाठी अर्पण करा, असा सल्ला बच्चूभाऊ कडू यांनी यावेळी दिला.
यावरून बच्चूभाऊ कडू यांनी जणू आपल्याच काही कार्यकर्त्यांना एकप्रकारे सल्ला दिला की, इतर पक्षातील वस्तुस्थिती मांडली यावर मात्र भलतीच चर्चा होत होती.