गोंदी येथे आमदार डॉ. हिकमत उढाण यांच्या वाढदिवसानिमित्त रक्तदान शिबिर संपन्न
अंबड प्रतिनिधी: अंबड तालुक्यातील गोंदी येथे घनसावंगी-अंबड मतदारसंघाचे आमदार डॉ. हिकमत उढाण यांच्या वाढदिवसानिमित्त आणि आरुषी डोरले या मुलीस थॅलेसेमिया आजाराचे निदान झाल्याने तिच्यासाठी रक्तदान शिबिर आयोजित करण्यात आले.
“चला रक्तदान करूया, प्रेमाची नाती जोडूया” या संदेशासह हे शिबिर ग्रामपंचायत कार्यालय, गोंदी येथे मंगळवारी दुपारी संपन्न झाले.
शिवसेना (शिंदे गट) अंबड तालुकाध्यक्ष पंकज आप्पा सोळुंके, सरपंच सोनाथ गव्हाणे, उपसरपंच मन्सूर शेख, उपसरपंच तथा संचालक शेखर बापू सोळुंके, लक्ष्मण मिटकूल, दत्तात्रय वाघमारे, डॉ. जहागीरदार, डॉ. गणेश मरकड, डॉ. पवार यांच्या संयुक्त विद्यमाने आयोजित या भव्य रक्तदान शिबिरात ५७ शिवसैनिकांनी रक्तदान केले. जनकल्याण रक्त केंद्र, जालना यांनी रक्त संकलनाचे कार्य केले. यावेळी उपसरपंच शेखर बापू सोळुंके आदी उपस्थित होते.
